«Жаңа жыл дастарханынан қалған тағамды ертеңіне жеуге болмайды»: Дәрігер көпшілікке үндеу жасады

Жаңа жылды қарсы алған дастарханнан қалған тағамдарды ертеңінде қайта тұтыну – мереке күндері тағамнан уланудың негізгі себептерінің бірі. Мұндай тағамдардың қауіпсіздігі олардың түріне, сақтау жағдайына және дұрыс жылытылуына байланысты. Бұл туралы ҚР ПІБ Референс-зертханасының санитариялық дәрігері Анар Мұсағалиева түсіндірді, деп хабарлайды Sn.kz ақпарат агенттігі.

Дәрігердің айтуынша, тағамдарды сақтаудың бірнеше ережесі қатаң сақталуы қажет.

1. Қауіпсіз қайта жылыту ережелері

Температура

• Тағамның ішкі температурасы кемінде 74°C болуы тиіс.

Бір рет қана жылыту

• Тағамды тек бір рет қана жылытуға болады. Қайта салқындатып, қайта жылыту улану қаупін айтарлықтай арттырады.
• Қайнағанға дейін жеткізу
• Сұйық тағамдар (соус, тұздық) міндетті түрде толық қайнауы қажет.
• Біркелкі қыздыру
• Микротолқынды пеште қыздырғанда тағамды араластырып тұру ұсынылады.

Қайта жылытуға қауіпті өнімдер

• Картоп – дәмі мен пайдалы қасиеттерін жоғалтады;
• Тауық еті – ақуыз құрылымы өзгеріп, ас қорытуға ауырлық түсіруі мүмкін;
• Күріш – Bacillus cereus бактериясының споралары улануға әкелуі ықтимал;
• Саңырауқұлақтар мен жұмыртқа – қайта өңдеуге өте сезімтал;

Ет тағамдарын келесі күні тұтыну қауіпсіз, егер олар дастарқанда 2 сағаттан артық тұрмаған және толықтай буға дейін қыздырылған болса, жей беруге болады, - дейді дәрігер.

Қауіпсіздік мақсатында әрдайым бір ретке арналған мөлшерді ғана жылыту ұсынылады.