Дуалайтын емшілерге мен өзім барып көрген жоқпын.
"Қазақстан" ҰТА "Қазір айтайық" жобасына қонақ болған кәсіпкер әйел өзін қалай дуаланғанын айтып берді, деп хабарлайды Sn.kz ақпарат порталы.
«8 жыл бұрын, 2013 жылы мен дуаланғанымды білдім. Дуалайтын емшілерге мен өзім барып көрген жоқпын. Өзім мойындамай жүрдім, тек 2-3 күннен кейін бардым, білдім, жағдайымның нашар екенін.
Барғанда емші саған 20 күнге ғана күшім келеді деп айтты. Сенің көзіңнің соқыр болғанына 9 ай болған деп айтты. Ол кезде сенген жоқпын айтқанына, сөйтіп 20 күннен кейін қайтып келесің деді. 20 күннен кейін кімнің дуалағанын түсіңде көресің деді.
20 күннен кейін шынымен ол адамды теріс қарап тұрғанын шынымен көрдім. 20 күннен кейін аяғымнан тұрдым, себебі өзімнің бизнесім болған. Адамды таныдым, жұмысымда істеген өзімнің жұмысшым. Сол бизнесіме өзім бармаймын, бір тылсым күш мені үйден шығармайды», — деді кәсіпкер.