«Рульді бермеген»: Шавкат Рахмоновтың әйелінің ісіне қатысты тың дерек шықты

Айыптаушы тарап әйелді жол-көлік оқиғасында екі адамның мерт болуына кінәлі деп санайды, деп хабарлайды Sn.kz ақпарат порталы.

Таразда Гүлайым Рахмонованың қатысуымен адамдар өліміне әкеп соқтырған жол-көлік оқиғасы ісі бойынша сот қарауы басталды. Отырыс барысында прокурор айыптауды жариялап, апат болған күні сотталушының әпкесі, ұлы және досымен жолда келе жатқанын хабарлады. Айыптау тарапының мәліметінше, ол көлікті түні бойы жүргізіп, қатты шаршағанына қарамастан рульді басқа жүргізушіге бермеген.

Еске салсақ, өткен жылы 27 шілдеде сағат 08:50–де «Алматы-Екатеринбург» республикалық маңызы бар автожолының 299 шақырымында жол-көлік оқиғасы болды.