БҚО-да 16 жастағы қызды зорлады деп айыпталған шенеунік ұсталды
Полицияда бұл іс ПД басшылығы мен прокуратура органдарының бақылауында екенін атап өтті.
Батыс Қазақстан облысында полиция 16 жастағы қызды зорлады деген күдікпен шенеунікті ұстады, - деп хабарлайды Sn.kz ақпарат порталы.
БҚО Полиция департаменті ресми сауалға жауап ретінде күдікті шенеуніктің ұсталғанын хабарлады.
"БАҚ-та кәмелетке толмаған қыздың әкесінің айтқан уәждерінің таралуына байланысты қылмыстық іс облыстық Полиция департаменті Тергеу басқармасының өндірісіне қабылданғанын хабарлаймыз. Баяндалған қосымша мәлімет сотқа дейінгі тергеп-тексеру аясында тексерілді. Күдікті қамауға алынды", – делінген жауапта.
Полицияда бұл іс ПД басшылығы мен прокуратура органдарының бақылауында екенін атап өтті.
"Қорытынды тұжырымдар соталды тергеп-тексеру нәтижесі бойынша жасалады. ҚР ҚПК-нің 201-бабына сәйкес өзге ақпарат жарияланбайды", – деп түйіндеді жауапта.
Сіздің реакцияңыз?
