Оқиға Аль-Фараби даңғылы мен Навои көшесінің қиылысында болған.
Алматының Бостандық ауданында қайғылы оқиға болды. Ер адам Президенттің бірінші паркіне қарама-қарсы орналасқан көпірден құлап, көз жұмды, деп хабарлайды Sn.kz ақпарат порталы Tengrinews.kz сілтеме жасап.
Оқиға туралы ақпарат әлеуметтік желілерде тарала бастады. Көз жұмған адам Аль-Фараби даңғылы мен Навои көшесінің қиылысында орналасқан көпірден құлағаны айтылды. Алматы полиция департаментінде ер адамның қайтыс болғаны расталып, ҚР ҚК-нің 105-бабы («Өзін-өзі өлтіруге итермелеу») бойынша қылмыстық іс қозғалғаны хабарланды.
«Бұл факті бойынша Бостандық ауданы полиция басқармасымен қылмыстық іс басталды. Мотиві мен оқиғаның толық жағдайы анықталуда», – делінген ведомствоның баспасөз қызметі хабарламасында.
Қосымша мәліметтер әзірге жарияланбады.