Атырау облысында жантүршігерлік жол апаты: 4 адам қаза тапты

Атырау облысының Индер ауданында болған жол апатынан төрт адам көз жұмды, деп хабарлайды Sn.kz ақпарат порталы.

Полиция департаментінің мәліметінше, қайғылы оқиға 29 мамыр күні таңғы сағат 06:30 шамасында Индер – Қарабау тасжолының 15-шақырымында болған.

Алдын ала ақпарат бойынша, Hyundai Sonata маркалы көлік аударылып кеткен. Көлікті 41 жастағы ер адам басқарған.

Жол апаты салдарынан жүргізуші мен үш жолаушы оқиға орнында қаза тапты. Тағы бір адам түрлі дене жарақатымен аудандық ауруханаға жеткізілген.

Қазіргі уақытта аталған дерек бойынша сотқа дейінгі тергеу амалдары жүргізіліп жатыр.