Алматыда ер адам қызды ұрып, көлікте күштеп ұстап тұрған

Алматыда белгісіз ер адам бойжеткенді көлік ішіндекүштеп ұстап тұрған. Жағалай өтіп бара жатқан куәгерлер оқиғаны видеоға түсіріп, полиция шақыртты. Қаразқалада арнайы іздестіру жұмыстары жүріп жатыр. 

Оқиға 30 шілде күні сағат 20:48 шамасында орын алған. Жазба авторының айтуынша, ол баласымен бірге «Алматы» санаторийі жақтан түсіп келе жатып, Әлмерек пен Асқаров көшелерінің қиылысында жол жиегінде тоқтап тұрған күдікті автокөлікті байқайды. Көліктің ішінен көмек сұрап айқайлаған қыздың дауысы естілген. Әйел бірден көлікке жақындап, іштегі бойжеткеннен көмек қажет пе екенін сұраған. Қыз оған оң жауап бергенімен, қасындағы ер адам оны жібермей, білектеп ұстап тұруын жалғастырған.

Бұл сәт куәгерлердің таспасына жазылып қалды. Жағдайдың ушығып бара жатқанын байқаған ер адам көп ұзамай оқиға орнынан белгісіз бағытқа бой тасалаған.

«Оқиға бойынша дереу "102" пультіне хабар берілді. Қазіргі уақытта полиция қызметкерлері оқиғаның толық мән-жайын анықтап, автокөлік пен ер адамды іздестіру шараларын жүргізіп жатыр», — деп хабарлайды құқық қорғау органдары.