Ертісте қайық аударылып, бір адам суға батып кетті

12 қыркүйекте Павлодар облысындағы Жанауыл ауылы маңында бес адам мінген алюминий қайық аударылып кеткен, деп хабарлайды Sn.kz ақпарат порталы.

Sputnik.kz мәліметінше, қайықтағы төрт адам өздігінен жағаға шығып үлгерген. Ал 43 жастағы ер адам суға жоғалып кеткен.

Құтқарушылар Ертіс өзенінде жоғалған тұрғынды үшінші күн қатарынан іздеп жатыр.

Іздеу жұмыстарына жедел-құтқару жасағының алты қызметкері, үш жүзу құралы және екі эхолот жұмылдырылған.