Қырғызстанның қоғам қайраткері Роза Айтматова 89 жасында өмірден озды, деп хабарлайды Sn.kz ақпарат порталы.
Роза (Розетта) Айтматова — мемлекет және қоғам қайраткері Төреқұл Айтматовтың қызы, әлемге әйгілі жазушы Шыңғыс Айтматовтың қарындасы.
Ол Қырғызстанның білім беру саласына еңбегі сіңген қызметкер, физика-математика ғылымдарының кандидаты болған. Сондай-ақ «Әйелдерге көмек көрсету орталығын» басқарып, әйелдердің құқықтарын қорғауға және әйелдер көшбасшылығын дамытуға белсене атсалысқан.
Роза Айтматова мәдениет пен ағарту саласына қосқан үлесі үшін Шыңғыс Айтматов атындағы сыйлықтың лауреаты атанған.