$ 444.22 € 476.38 ₽ 4.82
ҚР Инвестиция және даму министрінің бірінші орынбасары Жеңіс Қасымбек Орал қаласы әуежайының ұшу-қону жолағының қайта салыну барысы жөнінде кеңес өткізді, деп хабарлайды Skifnews.kz.
Министрліктің баспасөз қызметінің мәліметінше, келесі жылдың өзінде-ақ Оралдағы жасанды ұшу-қону жолағының (ҰҚЖ) жағдайы қауіпсіздік талаптарының нормаларына сәйкес келеді және әуежайға қазіргі заманғы әуе кемелеріне қызмет көрсетуге мүмкіндік береді деп күтілуде.
Оралдағы әуежайдың ҰҚЖ-ның салмақ көтеру қабілетінің әлсіздігінен бұдан бұрын ауыр салмақты ұшақтарды қабылдай алмауы салдарынан рейстер санын азайтуға мәжбүр болғандығы белгілі. Жоспар бойынша құрылыс жұмыстары келесі жылы аяқталатын әуежайдың ҰҚЖ-н қайта салу көлемі артығырақ қазіргі заманғы әуе кемелеріне қызмет көрсетуге мүмкіндік ашады.
Мемлекет басшысының тапсырмасы аясында кейінгі 10 жылда Қазақстанда 13 ҰҚЖ қайта салынғандығын естеріңізге саламыз. Қалған 5 әуежайдың ҰҚЖ-н қайта салу жұмыстарын 2018 жылы аяқтау жоспарланған.
