Отандық авиаторлар біліктілігін арттыруда

Бүгін Астана маңындағы авиациялық бөлімде оқу-жаттығу ұшулары болып өтті, деп хабарлайды ҚР Қорғаныс министрлігінің баспасөз қызметі.

Оқу-жаттығу барысында авиаторлар ең төменгі биіктіктегі күрделі ұшуларды жүзеге асырып, тікұшақты әуеден өздері таңдаған нүктеге дәл қондырды.

Бұл ретте, майор Марат Байғалиев пен капитан Дархан Көпбаев басқаратын «ЕС-145 Еврокоптер» экипажы үздік нәтижелер көрсетті. Оқу-жаттығу ұшулары кезінде экипаждар ұшу сағаттарын арттыру бойынша өз машықтарын жетілдірілді. Сондай-ақ, ұшу экипажы мен инженерлік-техникалық құрам шетелде теориялық және практикалық даярлықтан толығымен өткендігін атап өту қажет.

Айта кетерлік бір жайт, «ЕС-145 Еврокоптер» тікұшағы «Еврокоптер Казахстан инжиниринг» кәсіпорнында жиналады. Ол ТМД мен Орталық Азия аумағында осы тектес ұшақтарды шығаратын жалғыз зауыт. Бұл кәсіпорын отандық авиация саласын заманауи үлгіде дамытуға мүмкіндік береді.