Заңсыз мигранттарды анықтау мақсатында еліміздің батысында «Барьер» шекаралық операциясы өткізілуде, деп хабарлайды Skifnews.kz ҚР ҰҚК ШҚ баспасөз қызметіне сілтеме жасап.
ҚР ҰҚК ШҚ мамандарының хабарлауынша, іс-шара өз нәтижесін беруде.
««Батыс» өңірлік басқармасына қарасты «Орал», «Ақтөбе» және «Бейнеу» шекара отрядтарының наряды бір тәулік ішінде мемлекеттік шекараны бұзған 13 адамды ұстады. Олардың 2-і Әзірбайжан, 1-і Қазақстан, 5-і Ресей және 5-і Өзбекстан азаматтары болып шықты», – делінген хабарламада.
Ал іс-шара басталған уақыттан бері шекара кеңістігін бұзған 70 адам ұсталды. Олардың арасында Әзірбайжан, Қырғызстан, Ресей, Түркия, Өзбекстан және Украина азаматтары бар.
«Барьер» операциясы жалғасуда.