Жаңалықтар 06.04.2017 сағат 03:15

Астраханьда полицейлерді өлтіргендер Росгвардия сарбаздарына шабуыл жасады

6 сәуірге қараған түні Ресейдің Астрахань қаласында полицейлерді атып өлтірді деген күдіктілер Росгвардияның сарбаздарына қарулы шабуыл жасады. Салдарынан әскери 3 қызметкер түрлі дене жарақаттарымен ауруханаға түскен. Бірі ауыр халде деп хабарлайды kommersant.ru.

Бөлісу
Бөлісу
Бөлісу

Атыс кезінде сарбаздар қаскөйлердің бірін атып өлтірген. Ол бұған дейін іздеуде болған Рамзан Кукулаев болып шықты. Сондай-ақ, басты күдікті қазақ Нұрбол Саспановты да атып жаралапты. Қазір күдіктілерді іздеу жұмыстары жүріп жатыр.

"Шұғыл іздеу жұмыстары барысында Ленин ауданы Латышев көшесінде 4 сәуір күні полицейлерді өлтірді деген күдіктілер анықталды. Қарулы қақтығыс барысында құқық қорғау органдарының үш қызметкері жараланды. Шабуылдаушылардың бірі оққа ұшып қаза тапты", - делінген Ресей Тергеу комитетінің таратқан хабарламасында.

Қалған күдіктілер Росгвардия сарбаздарының қару-жарағын тартып алып, қашып кеткен. Араларында басты күдікті Нұрбол Саспанов та бар.

Еске салайық, 4 сәуір күні Астраханьда суық қаруланған бірнеше адам полицияның екі қызметкерін атып өлтірген болатын. Артынша бұл іске ұлты қазақ Қазақстан тумаларының қатысы бар екені айтылып, 8 адамға іздеу жарияланды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар