Жаңалықтар 17.04.2017 сағат 03:19

Түркиядағы референдум: конституцияны өзгертуді қолдаушылар жеңіске жетті

Түркияда кеше өткен референдумда конституцияны өзгертуді қолдаушылар жеңіске жетті. Бұл туралы Орталық сайлау комиссиясының төрағасы Сади Гювен ресми мәлімдеді деп жазады ТАСС.

Бөлісу
Бөлісу
Бөлісу

«Бюллетеньдерді санап, алдын ала нәтижелерді шығардық. Ол бойынша, конституцияны өзгертуді қолдап дауыс бергендер саны қарсылас тараптан 1,25 миллионға көп», — деді ОСК басшысы.

Anadolu агенттігінің мәліметінше, өзгерісті қолдағандар дауыс берушілердің 51,2 пайызын құраса, 48,8 пайызы қарсы болған.

Конституцияны өзгертуге қарсы шыққан оппозиция өкілдері дауыс берудің әділ өтпегенін айтып отыр. Яғни, дауыс беру учаскелерінде мөр басылмаған бюллетеньдер де саналды дейді олар. Енді Ұлттық-республикалық партия мен Халықтар демократиясының партиясы наразылық акцияларын ұйымдастыруды жоспапрлап отыр.

Айта кетейік, референдум конституцияның 18 бабына өзгерту енгізуді көздейді. Егер өзгеріс енгізілсе елде премьер-министр лауазымы мүлдем жойылмақ. Ал, президент болса вице-президенттерді, министрлерді және жоғары шенді өзге шенеуніктерді өз бетінше тағайындай береді. Сондай-ақ, президент өздігімен төтенше жағдай жариялап, жарлықтар шығара алады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар