Ақтөбелік тәртіп сақшылар «Жасөспірім» жедел профилактикалық іс- шарасын өткізу барысында, кәмелетке толмаған 156, оның ішінде қоғамдық орындарда мас күйінде жүрген кәмелетке толмаған 5 жасөспірімді анықтаған, деп хабарлайды Skifnew.kz облыстық ІІД-не сілтеме жасап.
Кәмелетке толмағандар арасындағы қылмыстар мен құқық бұзушылықтың алдын алу мақсатында Ақтөбе облысы аумағында ағымдағы жылғы 22-24 желтоқсан аралығында «Жасөспірім» акциясы өткізіліп жатыр.
Іс-шараның басты мақсаты жасөспірім арасындағы қылмыстардың алдын алу, олардың құқықтық сауаттылығын көтеру, сондай-ақ кәмелеттік жасқа толмағандарды қылмыс пен құқық бұзушылыққа қатыстырған ересек адамдарды анықтау.
Жедел профилактикалық іс - шараға 500-ден астам адам, оның ішінде 200 полиция қызметкерлері қатыстырылды.
Бұданбасқа іс–шараға білім беру орталығы, деңсаулық сақтау, прокуратура, «НұрОтан» партиясы мен ата-ана комитетінің өкілдері қатысты.
Ішкі істер органына бір күн ішінде кәмелетке толмаған 156 жасөспірім ұсталды. Олардың арасында кәмелеттік жасқа толмаған балалар үйден тыс жүргендері анықталды. Сондай-ақ, 122 ата – ана әкімшілік жауапкершілікке тартылды.
Іс−шара барысында алкогольдік ішімдік ішіп және қоғамдық орындарды маскүйінде жүрген 5 жасөспірім әкімшілік жауапкершілікке тартылды.
Ішкі істер органдарына есепке кәмелеттік жасқа толмаған 45 бала тіркелді, соның ішінде 5-уі оқудан жалтарғандар болса, 27-і тұрмысы төмен отбасыдан.