Жаңалықтар 26.12.2014 сағат 03:10

Бүгін Қазақстанның басым бөлігінде боран және көктайғақ болады

Қазақстанның барлық аумағында атмосфералық ағындардың өтуімен бұрынғыша ауа райының тұрақсыз сипаты сақталады, күшті жауын-шашын болып, соңы қарға айналады, тұман түседі, көктайғақ болады, бұрқасын көтеріледі, деп хабарлайды Skifnews.kz «Қазгидромет» РМК-ға сілтеме жасап.

Бөлісу
Бөлісу
Бөлісу

Ақмола, Павлодар облыстарында желдің 15-20 м/с-қа дейін, ұйтқуы 25 м/с-қа дейін күшеюі, кей жерлерде бұрқасындатып, көктайғақ болуы күтіледі.

Қостанай облысында түнде кей жерлерде желдің 15-20 м/с-қа дейін, күндіз ұйтқуы 17-22 м/с-қа жетуі, кей жерлерде бұрқасын көтеріліп, тұман түсуі, көктайғақ болуы күтіледі.

Шығыс Қазақстан, Қарағанды, Солтүстік Қазақстан, Ақтөбе, Батыс Қазақстан, Қостанай облыстарында кей жерлерде тұман түсіп, көктайғақ, бұрқасын болуы күтіледі, желдің екпіні 15-20 м/с-қа, ұйтқуы 25 м/с-қа дейін күшейеді.

Атырау облысында кей жерлерде жел 15-20 м/с-қа жетіп, түнде бұрқасындатады. Маңғыстау облысында түнде кей жерлерде тұман түседі, көктайғақ болады.

Оңтүстік Қазақстан облысында кей жерлерде тұман түседі, жел 15-20 м/с-қа дейін күшейеді.

Қызылорда облысында кей жерлерде жел 15-20 м/с-қа дейін күшейеді.

Жамбыл облысында тұман түседі, жел 15-20 м/с-қа дейін күшейеді.  

Алматы облысында кей жерлерде тұман түседі, көктайғақ болады, желдің күші Жалаңашкөл ауданында 18-23 м/с-қа жетеді.

Сонымен қатар, таяудағы тәуліктерде республиканың оңтүстігі, оңтүстік-шығысы мен шығысындағы өзендерде мұз қатуына орай су деңгейі құбылады. Қазақстанның батыс, солтүстік және орталық облыстарындағы су нысандарында қысқы режим сақталады. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар