Ақмола облысының сот орындаушылары 2014 жылы мемлекет қазынасын 1,7 млрд теңгеге толықтырды, деп хабарлайды BNews.kz.
«Біздің сот орындаушылар күн сайынғы рейдтік шаралардың арқасында 1 787 067 986 теңге өндіріп алды. Өндірілген қаржының негізгі бөлігі – әкімшілік айыппұлдар мен алименттер», ‒ дейді Әділет департаментінің баспасөз хатшысы Абзал Алпысбайұлы.
Оның айтуынша, жыл қорытындысы бойынша 30 107 атқару құжаты орындалған.
«Алайда атқару құжаттарының саны жыл сайын артып келеді», – дейді Абзал Алпысбайұлы.