$ 444.22 € 476.38 ₽ 4.82
Павлодарда екі оқушы қызды трамвай қағып кетіп, олардың бірі алған ауыр дене жарақаты салдарынан қайтыс болды. Қыздар апалы-сіңлі болған. Оқиға орнынан түсірілген фотокадрлар Instagram әлеуметтік желісіндегі @tipavlo парақшасында жарияланды.
Облыстық Денсаулық сақтау басқармасы басшысының міндетін атқарушы Нұрлан Оразалиннің айтуынша, оқиға бүгін таңертең сағат 7:43-те орын алған.
"Ломов пен Қатаев көшелерінің қиылысында 2007 және 2009 жылғы қыздарды трамвай басып кетті. Амал не, бірі қаза тапты, екіншісі жансақтау бөлімінде бізде жатыр, жағдайы аса ауыр", - деп хабарлады ол.
Павлодарлық трамвай басқармасының баспасөз қызметіндегілер көліктің оқиға кезінде бірінші маршрут бойынша алюминий зауытына бара жатқанын айтты. Тізгінде бес жылдық тәжірибесі бар 1987 жылғы қыз болған. Балалар Павлодардағы №4 орта мектепте оқыған. Оқу мекемесіндегілер қыздардың апалы-сіңлілі екенін айтады.
"Бұл оқиға енді ғана болды. Апалы-сіңлілер, екінші және төртінші сыныпта оқиды", - деп хабарлады мектептегілер.
