$ 439.43 € 473.31 ₽ 4.82
Ақтөбеде жолаушыларға лық толы автобустың жүргізушісі бір қолымен көлік айдаса, екіншісімен смартфонымен Instagram-ды парақтайды. Бұл сәтті жолаушылардың бірі байқап, бейнекамераға түісіріп алыпты.
Видеоролик Instagram әлеуметтік желісіндегі zello_aktobe парақшасында жарияланған. Автордың айтуынша, жол көктайғақ, соған қарамастан автобус жүргізушісі жолға емес, ұялы телефонға қарап келеді.
«Сәлеметсіздер ме. Бүгін №9 автобусқа отырдым. Жүргізуші Instagram-да отыр», – деп жазған жолаушы.
Сондай-ақ, қоғамдық көліктен түсе салысымен куәгер автобустың мемлекеттік нөмірін де (285АF04) камераға түсіріп алған.
Қазақстанда да көлік жүргізіп келе жатқан адамға телефон қолдануға тыйым салынған. Әкімшілік құқық бұзушылық кодексінің 461-бап 1-бөлігіне сәйкес, «көлік басқарып келе жатып телефон немесе радиостанция қолданған» жүргізушіге 8 мың 655 теңге (шамамен 58 АҚШ доллары) көлемінде айыппұл салынады.
