Мереке күндері қазақстандықтарды 30 градусқа дейінгі аяз күтіп тұр – синоптиктер

16-20 желтоқсан аралығында ауа райы жауын-шашынсыз, бірақ аяз болады, деп мәлімдейді "Қазгидромет" РМК.

"Демалыс күндері республиканың барлық дерлік аумағында ауа райы жауын-шашынсыз, түнде тұман түседі, аяз болады деп болжануда. Солтүстік, орталық және шығыс облыстарда кей жерлерде түнде сынап бағанасы 30 градустан төмен температураны көрсетеді", – делінген хабарламада.

Қазақстанның барлық аумағында ауа температурасы климаттық нормадан 2…5°С төмен болады.