Ливан мен Ұлыбритания арасында халықаралық дау туындауы мүмкін. Ел астанасы Бейрутте дипломатиялық миссиясын орындап жүрген 30 жастағы Ребекка Дайксты жергілікті такси жүргізушілерінің бірі зорлап өлтірген деп жазады Daily Mail.
Бұл оқиғаға күдікті ретінде Uber такси қызметінің 29 жастағы жүргізушісі Тарек Хаучи ілініп отыр. Қылмыс болған күні Ребекка туристер жиі жиналатын барда достарымен кездесіп, сол жақтан үйіне қайту үшін такси шақырған. Ол сол күйі үйіне жете алмады.
Такси жүргізушісі шетелдікке тиіссе жауапкершілікке тартылмаймын деп үміттеніпті. Сондай-ақ, оның айтуынша, әйел шетелдік болғандықтан оны зорлап кету еш қиындық туғызбаған көрінеді. Оқиғадан кейін бірден ұсталған күдікті еш жасырмастан жасаған қылмысын мойындады.
Полицейлер дипломат әйелдің мәйітін жолдың жиегінен тапқан. Оның денесінен азаптаудың іздері анықталды. Қылмыскер әйелді алдымен зорлап, артынша буындырып өлтіріпті. Марқұм сол күні қысқа белдемше киген екен. Бұл такси жүргізушісін қылмыс жасауға итермелеген.
Ребекка Дайкс Ұлыбританияның Бейруттегі елшілігіне 2017 жылдың қаңтарынан бастап жұмысқа кіріскен. Ал өлтірілген күні ол еліне қайтуды жоспарлаған екен.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
skifnews.kaz@gmail.com
