Жұмысшы балқып тұрған металға жалаңаш қолын тығып алды (ВИДЕО)

Армян жұмысшысы балқып тұрған металға қолын тигізіп, мүлдем күймеуге болатынын дәлелдеді. Осы сәт түсірілген видеоматериалды Daily Mail басылымының сайты жариялады.

Армениядағы металл балқыту зауытында түсірілген видеороликте жұмысшы ағып тұрған сұйық металды алақанымен ары-бері шарпиды. Бірақ, ыстық лаваға жалаңаш қолы тисе де оны күйік шалмайды. Терісі сап-сау.

Ғалымдар болса қолдың күймеуін ғылымда ертеректе дәледенгенін айтып отыр. Яғни, егер теріге ыстық тисе алғашқы секунда сол ыстықты кері қайтаратын бу бөлінеді екен. Ол теріні күюден сақтайды. Ал, егер ыстық сұйықтық денеге секундтан ұзақ уақыт тиіп тұрса онда міндетті түрде күйік шалады. Мұндай ерекше әдісті XIX ғасырдың металлургтері де жасаған деп жазады Daily Mail.

Айта кетейік, болат пен темір 1400-1600 градус ыстықта балқиды.