Ауруханада емделіп жатқан 30 кәріс азаматы тірідей жанып кетті

Оңтүстік Кореяның Мирян қаласындағы Седжон король атындағы аурухана өртенді. Ёнхап ақпараттық агенттігінің хабарлауынша, тілсіз жау 31 адамның өмірін алыпты. Барлығы да тірідей жанып кеткен. Тағы 40-тан астам адам түрлі дене жарақаттарын алыпты.

Өрт сөндірушілердің айтуынша, жалын ғимараттың бірінші қабатындағы жедел көрсету бөлімінде тұтанған. Бұл сәтте ауруханада барлығы 100-ге жуық адам болған екен. Олардың 52-сі қазір басқа ауруханаға жеткізілді.

Сонымен қатар, өртенген ғимарат жанында орналасқан қарттар үйінен 93 адам қауіпсіз жерге көшірілген. Мамандар өртті 1 сағат 40 минутта әзер сөндіргендерін айтып отыр.

Осы қайғылы жайтқа байланысты Оңтүстік Корея президенті Мун Чжэ Ин өз көмекшілерін жинап, шұғыд жиын өткізуде.