Жаңалықтар 19.05.2015 сағат 18:00

Алматыда Toyota Land Cruiser балабақшада ойнап жүрген балаларды қағып кетті

Алматыдағы "Таугүл-1" шағынауданында Тойота жол талғамайтын көлігі балабақша қоршауын бұзып кіріп, ойнап жүрген балаларды қағып кетті деп хабарлайды Baq.kz. Салдарынан 5 жасар сәби көз жұмды.

Куәгерлердің айтуынша, балабақша ауласына қара Land Cruise көлігі басып кірген. Бұл сәтте аулада 26 бала ойнап жүрген екен. Қайтыс болған қыз баласынан басқа тағы 8 сәби түрлі дене жарақаттарын алған. Оларға қазір медициналық көмек көрсетіліп жатыр. Оқиға орнына ата-аналар келіп, аман қалған балаларын алып кетуде. Балабақша қызметкерлері болса оқиғаның қалай болғанын көріп үлгермегендігін айтып отыр.

Куәгерлер хабарлағандай, көліктің тізгінінде жас шамасы 45-50-дегі әйел болған. Ол көлікпен артқа жүріп, балабақша қабырғасын қиратып ішіне кіріп кеткен көрінеді. Дөңгелек астында жатқан 5 жасар қызды көргенде ол есеңгіреп есін жоғалтып алыпты. Куәгерлер жедел жәрдем шақырып, күдікті әйелді полицейлер келгенше ұстап отырған. Қазір ол да медициналық тексеруден өтіп жатыр.

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар