Қатының бедеу болса "жатқыш" болғаны – министр (ВИДЕО)

Бұл оқиға Ресейде болған. Нақтырақ айтқанда, Чуваш Республикасының денсаулық сақтау министрі Владимир Викторов Новочебоксарскінің дамуын қорытындылаған баяндамасында:

«Егер әйел адам бала туғанға дейін жеті еркекпен жатып қойса, бұл — 100 процент бедеуліктің кепілі» деп салыпты.

Бұл жиынға 200 адамнан бөлек Чуваш Республикасының басшысы Михаил Игнатьев та қатысып отырған екен. Мұны естіген олар жағасын ұстаған. Жоғары лауазымды адамның осындай ақылға қонымсыз дүние айтуы елдің ашуын туғызған.

Кейін “Мұны не үшін айттыңыз, түсіндіріңіздеп артынан шулаған журналистерге министр мүлде жауап қатпаған.

“Мынау, сұмдық болды. Сонда бедеу әйелдердің бәрі жатқыш па?” деп желідегілер шулап, тапталған құқықтарын қалыпқа келтіруін министрден талап етуде.

Ал ертеңінде Денсаулық министрлігінің порталында «Президенттік перинатарлық орталығының» бас дәрігерінің осы жайтқа қатысты пікірі жарық көрді.

«Қабыну жыныстық қатынас арқылы жұғатын аурулардан пайда болады. Әлемдік статистика бойынша, бір ғана хламидиоза жастар арасында 30 процентке өскен. Жыныстық қатынас арқылы жұғатын ауру 50 процентке артқан. Осыларды ескере отырып, аз ғана жұбы болған әрі жұбын жиі ауыстырған әйелдердің бедеулікке шалдығу деңгейі өте жоғары», – делінген онда.

Дереккөз: Alashainasy.kz