«Біз еркектерімізбен бірге тұрып намаз оқығымыз келеді» деген Стамбұлдың мұсылман әйелдері мешіттің кейбір қағидасымен келіспейтіндерін жеткізді.
Ислам дінінде әйелдер мен еркектер намазды бөлек оқуы тиіс. Сол себептен де әйелдерге арналған мешітте арнайы залдар бар. Ол жерде әйел еркекті де, намаз оқып отырған имамды да көре алмайды, тек азан шақырушының дауысын естиді.
Ал, Стамбұлдағы мұсылман әйелдер бұл шарттармен келіспейтіндерін айтып отыр. Олар: «Әйелдер еркекпен бірге жұмыс істейді, бірге оқиды. Бірге жүреді. Бірақ неге мешітте бірге намаз оқи алмайды» дейді.
Айта кетейік, осы жылдың наурыз айында орталық залда күйеуімен бірге намаз оқымақ болған әйелді имам мешіттен қуып шыққан болатын. Осыдан кейін ежелден келе жатқан дәстүрге қарсылық білдіруші мұсылман әйелдердің саны артты.