Жаңалықтар 11.06.2018 сағат 06:43

ОҚО-ның екі тұрғыны полицейлерді ұрып, погондарын жұлып алған

ОҚО Ордабасы аудандық сотында полиция қызметкерлерін ұрып, погондарын жыртқан жергілікті екі тұрғынға қатысты қылмыстық іс қаралуда деп хабарлайды ОҚО ІІД баспасөз қызметі.

Бөлісу
Бөлісу
Бөлісу

Оқиға 10 ақпан күні болған. Тәртіп сақшылары жедел профилактикалық шара жүргізу барысында дәмхананың алдында тұрған Өзбекстан Республикасының азаматтарынан құжаттарын көрсетуді талап еткен. Алайда, олардың құжаттары жоқ болып шығады. Сол кезде кафеден шыққан екі жігіт бір полицейді ұра жөнелген. Оларды ажыратпақ болған екіншісіне де бас салып, оны да тепкінің астына алыпты. Бұзақылар қасақана полицейлердің погондарын жұлып тастаған. Осы сәтті пайдаланған өзбекстандық азаматтар болса қашып кетті.

Ал, полиция қызметкерлерін ұрған екі азамат қамауға алынды. Оларға қатысты «билік өкілін қорлау» және «билік өкіліне қатысты күш қолдану» баптары бойынша сотқа дейінгі тергеу амалдары жүргізілді.

Күдіктінің туғандары екі полиция қызметкерінің үстінен «билігін немесе лауазымдық өкілеттілігін асыра пайдаланды» деп, ОҚО ІІД ӨҚБ-на шағым түсірген. Алайда, арызда полиция қызметкерлеріне қатысты көрсетілген жайттар өз дәлелін таппады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар