Қырғызстанда жұмыс уақыты қысқарды

Қырғызстан премьер-министрі Темір Сариев бейсенбі, 16 шілде күні елдегі жұмыс күнін екі сағатқа қысқарту туралы қаулы шығарды.

Азаттықтың Қырғыз қызметінің хабарлауынша, үкімет шешімі Ораза айтқа және елдегі ауа райының ысуына байланысты қабылданған. Синоптиктердің болжамы бойынша, Қырғызстанда ауа температурасы +44 градусқа дейін ысиды.

Сонымен бірге Ораза айтқа байланысты 17 шілде Қырғызстанда демалыс күні болып жарияланған.