Дәрігерлер Астанада қайтыс болған жүкті әйелдер жайлы айтты

Астанада босанып, кейін қайтыс болған екі әйелде жүкті болған кезде соматикалық аурулар байқалған. Бұл туралы Денсаулық сақтау басқармасы басшысының орынбасары міндетін атқарушы Сәуле Мұқышева айтты деп жазады Tengrinews.kz.

«Екі әйел қайтыс болды. Біріншісі – 1983 жылғы келіншек 21 маусымда таңғы сағат 5-терде қайтыс болды. Ол өзі босанды. Екіншісі – 31 жастағы келіншек 25 маусымда сағат 04.03-те қайтыс болды. Ол Кесарев тілігімен босанды. Екеуінде де соматикалық аурулар тіркелді», - деп хабарлады Мұқышева.

Оның айтуынша, мұндай жағдай №1 перинаталдық орталықта соңғы екі жылда бірінші рет тіркеліп отыр.

«Балалар тірі. Ауыр жағдайда жансақтау бөлімінде жатыр», - деді ол.

Еске сала кетейік, осыған дейін Астанада босанған екі әйелдің қайтыс болғаны хабарланған болатын.