Жаңалықтар 18.07.2018 сағат 04:20

Некесіз бала туған бойжеткенді өз анасы мен ағасы өлтіріп тастады

Қырғызстанның Ош облысындағы Ноқат ауданында шешесі туған қызын некесіз босанғаны үшін өлтірген. Шешесімен қоса қызын туған бауыры да өлтіріпті. Бұл туралы kaktus.media жазады. 

Бөлісу
Бөлісу
Бөлісу

Туыстары 22 жастағы қызды байлап ұстап, Найман су қоймасына тастаған. Оның денесі 2 шілдеде Бел ауылының маңынан табылған. Сараптама қорытындысы бойынша, марқұмның денесі 10-12 күндей шамасында су астында жатқан. 

«Қыздың басы жарылып, аяғы байланған. Шешесі қызын суға құлатқанын мойындады, бұл ісін қорқыту үшін жасадым деп отыр», - деді Ош облыстық ІІБ өкілдері.

Сөйтсек, биыл мамырда қыз некесіз бала босаныпты. Ол мұнысын туыстарынан жасырып, баласын бөтен адамдарға тәрбиелеуге берген. Нәтижесінде шешесі мен ағасы бұл туралы біліп, бұл ісі арқылы «әулетті қорлады» деп есептеген. 

Айта кетерлігі, күдікті мектепте мұғалім болып жұмыс істейді, жасы 47-де. Өзі ажырасқан. Жауап алу кезінде ол қызын қашып кетпесін деп байлап қойғанын мәлімдеген.

Дереккөз: Тengrinews.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар