Қостанай облысында жеңіл көлік пен КамАз соқтығысты

Сағат 10.00 шамасында Талапкер ауылына жақын маңда «Ауди» және «КамАз» көліктеріі бетпе-бет соқтығысыпты.

«41 жастағы автокөліктің жүргізушісі жол қозғалысы ережесін сақтамаған. Ол жолдың қарсы бетіне шығып кетіп, қарама-қарсы келе жатқан КамАз-бен соқтығысты», – деп мәлімдеді Қостанай облыстық ІІД-нің баспасөз қызметі.

Жол апаты салдарынан «Ауди» және «КамАз» көліктерінің жүргізушілері ауруханаға жеткізілген.

«Жүк көлігінің жүргізушісі ауыр жарақат алған. Оның басына ота жасалды. Ал жеңіл көлік жүргізушісінің кеуде қуысы жарақаттанған», – деді Қостанай облыстық ауруханасының бас дәрігері Юрий Моисеев

Оқиға бойынша полиция қызметкерлері жол қозғалысы ережесін бұзу ісі бойынша сотқа дейінгі тергеу жұмыстарын жүргізуде.