Шымкентте көлік айнасын ұрлаған алматылық ұсталды

Жергілікті тұрғын Шымкенттің Әл-Фараби аудандық Ішкі істер басқармасының полиция бөлімшесіндегілерге  үйінің маңына қойып кеткен көлігінің екі айнасын белгісіз біреулердің шешіп алып кеткенін хабарлаған.

Айтуынша, ұрланған мүлкі 500 мың теңгеге бағаланып отыр.

«Жедел-іздестіру шаралары барысында Түркістан облысының Криминалдық полиция басқармасының қызметкерлері алматылық күдіктіні ұстады. Қазір күдікті қамауға алынды.  «Ұрлық» деген баппен сотқа дейінгі тергеу ісі басталды.

Полицейлердің анықтауынша, күдіктінің бұл іске қатысы бар. Барлық жәбірленушіге әкелінген залал - миллион теңге шамасында», - деп хабарлады Түркістан облысының ІІД өкілі.

Осы орайда полицейлер көлік құралдарының иелеріне қауіпсіздік шараларсын сақтап, «Өзінің көлігіне сенімді сигнал жабдығын орнату керектігін» ескертеді.

«Көлікті ақылы тұраққа немесе көлікжайға қою керектігін, автокөлік ішінде қандай да бір бағалы затты қалдырмауға, құжаттарын өзімен бірге алып жүруге кеңес берді. Мұндай алдын-ала қабылданған шаралар ұрлықты айтарлықтай төмендете түседі», - деп ескертті полиция қызметкерлері.

Дереккөз: Tengrinews.kz