Куәгерлер Алматыдағы MEGA Park аумағынан атыс дыбыстарын естіген деп жазады Тengrinews.kz.
Оқиға шілденің 24-інен 25-іне ауған түні Мақатаев пен Сейфуллин көшелерінің қиылысында орын алған.
Сол маңда тұратын тұрғындардың сөзінше, олар түнгі сағат 03:00 шамасында көшедегі атыс салдарынан оянып кеткен. Олар терезеден қараған кезде, 5-6 патруль көлігін көрген.
Мәлімдегендей, полицейлер бір адамды тұтқындаған. Сонымен қатар сол жерде төбелес болған.
Артынша оқиға орнына криминалистік топ келді. Құқық қорғау қызметінің қызметкерлері бағанаға соғылған автокөліктен саусақ іздерін алып жатты.