Бүгіннен бастап автобус билеттері электрондық жүйемен сатылады

Бүгіннен бастап елімізде қалааралық бағыттарда қатынайтын автобус билеттері электрондық жүйемен сатылады, деп жазады khabar.kz.

Отандық мамандар ойлап тапқан жаңа жүйемен әзірге Астана және Өскемен қалаларының автовокзалдары ғана келісім жасасқан. Яғни осы қалалардың жолаушылары электронды билеттерді енді үйде отырып-ақ АПАРУ-БАС.kz.сайты арқылы сатып ала алады. Бұл жобаны іске асыру үшін «Технологияларды коммерциялау орталығы» 18 млн теңге грант бөлген. Жоба авторларының айтуынша, электронды жүйе жолаушылар үшін де, тасымалдаушылар үшін де тиімді. Өйткені осы күнге дейін автобус билеттері тек сапаржай кассаларында және бір бағытқа ғана сатылып келді.