Қазақстанның атақты велошабандозы, Лондон Олимпиадасының чемпионы Александр Винокуров Үлкен Алматы көлін қоқыстан тазартты. Спортшы Instagram-парақшасына осынау сәттегі видеосын жүктей отырып, көпшілікті тазалық сақтауға шақырды.
«Мыналарың ұят, достар. Сендердің арттарыңнан табиғатты қоқыстан тазартуға тура кеп отыр», - деп жазды ол желідегі парақшасына.
Викокуров темекі тұқылдарын, басқа да жағымсыз иісті қоқыстарды өзі тазартып, басқаларға үлгі көрсетті. Табиғат аясына келген қазақстандықтарды жүрген-тұрған жерлерін тазартып жүруге шақырды.