Атырауда жедел жәрдем жол апатына ұшырап, медбике қаза тапты (ВИДЕО)

Атырауда жедел жәрдем жеңіл автокөлікпен соқтығысып, медбике мерт болды деп жазады Мой ГОРОД.

Оқиға 4 қыркүйек күні Құрманғазы мен Сәтбаев көшесінде болған.

«Жол апатынан 4 адам зардап шекті. Медбике сол жерде жан тапсырды. Жедел жәрдемдегі науқас орташа жарақатпен облыстық аурухананың нейрохирургия бөліміне жеткізілді», - дейді Атырау облыстық Денсаулық сақтау басқармасының баспасөз қызметі.

Жергілікті ішкі істер департаменті бұл іске қатысты әлі ақпарат таратқан жоқ.