$ 446.49 € 475.38 ₽ 4.79
Солтүстік Қазақстан облыстық ІІД-нің қызметкерлері 17 жыл бұрын іздеу жарияланған адамды қолға түсірді деп хабарлайды ведомствоның баспасөз қызметі.
«СҚО ІІД қызметкерлері Санкт-Петербург қаласына іссапармен барып, Петропавлда 2001 жылы қылмыс жасаған адамды ұстады. Осы уақыт аралығында күдікті ресейлік биліктің көзіне түспей жүрген. ҚР мен РФ құқық қорғаушыларының бірлескен жұмысының арқасында ол тұтқындалды», – делінген хабарламада.
Қазіргі уақытта ұсталған адамды Қазақстан Республикасына экстрадациялау жұмыс жүргізіліп жатыр. Ол ҚР ҚК-нің 99-бабы бойынша сот алдында жауап береді. Кінәсі дәлелденген жағдайда 15 жылға дейін бас бостандығынан айырылуы мүмкін.
Құзырлы ведомствоның хабарлауынша, жыл басынан бері 69 адамға іздеу жарияланып, оның 59-ы ұсталған. Оның 23-і ауыр және аса ауыр қылмыс жасағандар болып отыр.
Дереккөз: ҚазАқпарат
