Өз баласын өлтірді деген күдікпен ұсталған әйелді танитындардың айтуынша, ол 9 жасар ұлын жылыту батареясына байлап, одан соң буындырған. Бұл туралы «Lada.kz» жазады.
Оқиға 14 қазанда 5-шағынауданындағы 3-үйде болған. Әйел 9 жасар баласының қолы мен аяғын жылыту батареясына байлап, одан соң буындырып өлтіріпті. Ол №7 мектептің 3-сыныбында оқыған.
«Әйел күйеуімен ажырасып кеткен. Бірақ әкесі ұлына жиі келіп тұратын. Соңғы уақытта әйел өзгеріп кеткен еді. Мектепке барып бірнеше адаммен ұрысқан», – дейді әйелді танитындар.
Айыпталушыны танитын адамдардың айтуынша, әйел оқиға орнында ұсталған. Ол қылмысын толығымен мойындап, еш қарсылық білдірмеген.
Бастауыш сынып оқушыларының ата-аналары №7 мектеп-лицейінде мұндай ақпарат таралмағанын айтады. Ал мектеп директоры Гүлден Иманғалиева бұл істі құқық қорғау органына тапсырғанын хабарлады.