Жаңалықтар 13.11.2018 сағат 08:43  506

Дінмұхаммед Қонаевтың қарындасы өмірден озды

Сейсенбі, 13 қарашада Алматыда Қазақстан Компартиясы Орталық Комитетінің бұрынғы бірінші хатшысы Дінмұхамед Қонаевтың қарындасы Сара Ахметқызы Қонаева қайтыс болды. 

Дінмұхаммед Қонаевтың қарындасы өмірден озды
Бөлісу
Бөлісу
Бөлісу

Бұл туралы Қазақстанның еңбек сіңірген ұшқышы Мақаш Әбішев мәлімдеді деп жазады Sputniknews.kz.

Сара Ахметқызымен қоштасу 14 қарашада сағат 11.00-де Пушкин көшесі, 50 мекен-жайында өтеді.

Сара 91 жасқа қараған шағында қайтыс болды. 1944 жылы 17 жасында Алматы қаласындағы Орталық телеграфтағы жедел хат жіберу бөлімінде жұмыс істеді. 1946 жылы Алматы медицина институтына түсіп, 1953 жылы бітірді.  

1956 жылдан бастап Қазақ КСР Министрлер Кеңесі емханасының бактериологиялық зертханасында еңбек етті.

Дінмұхамед Ахметұлы Қонаев – белгілі кеңестік партия және мемлекет қайраткері. Екі рет Қазақ КСР Коммунистік партиясы Орталық Комитетінің бірінші хатшысы (1960-1962, 1964-1986), КОКП Орталық Комитеті Саяси бюросының мүшесі болды. КСРО Жоғарғы Кеңесінің депутаты. Үш мәрте Социалистік Еңбек Ері, жүзден астам ғылыми еңбектің авторы. Қазақ КСР Ғылым Академиясының академигі. 

Дінмұхамед Қонаев 1993 жылы тамызда 81 жасында дүниеден озды.  

 

Оқи отырыңыз

‡àãðóçêà...

Соңғы жаңалықтар