Шымкентте өткен той атыспен аяқталды. Өзара төбелескен жігіттер С. есімді азаматты қарумен жарақаттады деп хабарлайды жергілікті полиция департаментінің баспасөз қызметі.
Оқиға қарашаның 14-інен 15-іне қараған түні болған. Тойға келген қонақтардың бірі С. есімді азаматқа травматикалық қару кезеп, маңдайы мен қарнын жарақаттаса, екінші бірі кеудесіне пышақ жарақатын салған.
Төбелестен кейін олар Mazda автокөлігімен қашып кеткен. Көп ұзамай полицейлер күдіктілерді қолға түсірген. Сотқа дейінгі тергеу амалдары басталды.
Жарақат алған азамат қалалық ауруханада жатыр.
Дереккөз: NewTimes.kz