Теміртауда есірткіге тәуелді ұлын түрмеге жапқысы келген әйелдің арызын полиция қарады деп жазады Nur.kz.
«Қалалық соттың шешімі бойынша Теміртау тұрғынының ұлы 6 айға арнайы емдеу орталығына жіберілетін болды», – деді Полиция департаментінің баспасөз қызметі.
Әйел осы уақыт ішінде полиция бөліміне ұлын айтып, 8 рет арыз жазған. Бірақ артынан өзінің арызын қайта алып кеткен.
«Полиция қызметкерлері әйелдің әр арызын қабылдап, соған байланысты жұмыс жүргізіп отырды», – делінген хабарламада.
Теміртау қалалық сотының мәліметінше, мұның алдында ғана әйелдің ұлы мен оның танысына ұрлық бойынша іздеу жарияланған.