8 желтоқсан күні Атыраудағы сауда орталықтарының бірінде экскалатор бұзылып, 2 әйел мен 3 жасар қыз құлап кетті деп жазады Мой ГОРОД.
Дәл сол күні сауда орталығында болған куәгерлер басшылықтың қарасын көрмедік деп отыр.
«Әйелдің құлағы кесіліп кеткен. Қолы мен аяғы жарақаттанған. Ал екінші әйел менің туысым еді. Оның да аяғы жарақат алды. Сауда орталығының әкімшілігі болмады. Жексенбі күні жұмыс істемейді екен.
Жедел-жәрдем келіп, алғашқы көмек көрсетілгенімен әйелдің құлағындағы қан тоқтамай, ауруханаға баруға мәжбүр болған», – дейді куәгерлердің бірі.