Жаңалықтар 12.12.2018 сағат 11:59  193

2019 жылы Қапшағайда күн электр стансасы іске қосылмақ

Келесі жылы Қапшағайда 400 гектар жерге күн сәулесінен электр энергиясын өндіретін стансасы іске қосылады деп жазады ҚазАқпарат.

2019 жылы Қапшағайда күн электр стансасы іске қосылмақ
Бөлісу
Бөлісу
Бөлісу

«Қапшағай маңында 400 гектар жерге отандық кәсіпкерлер 150 мегаватт батареялы ең ірі күн электр стансасын салып жатыр. Оны 2019 жылдың алғашқы тоқсанында іске қосу жоспарлануда және алғашқы уақытта 100 мегаваттық батареядан күн электр қуатын алынатын болады», - деді Алматы облысының әкімі Амандық Баталов ОКҚ-де өткен баспасөз мәслихатында. 

Сонымен қатар, өңір басшысы Алматы облысындағы «Қорғас - Шығыс қақпасы» АЭА-да жалпы сомасы 470 млрд теңгені құрайтын 12 жобаның жүзеге асырылып жатқанын айтты. 

«Қорғас-Шығыс қақпасы» арнайы экономикалық аймағында қазақстандық тауарларға, оның ішінде Алматы облысы аумағында өндірілген өнімдерге қытайлықтар тарапынан сұраныс жоғары. Балмұздақ пен кондитер өнімдері көп саудаланады», - деді ол. 

Айта кетсек, бұған дейін облыс әкімі өңірде 32 мыңнан астам жұмыс орнының ашылғанын айтқан болатын. 

Сонымен қатар, А. Баталов «7-20-25» тұрғын үй ипотекалық бағдарламасы бойынша  облыста 100 мыңнан астам пәтер берілетінін мәлім еткен болатын.  Одан бөлек, Алматы облысында биыл жүгері өндіруден рекордтық өнім алынғанын хабарлаған болатынбыз.

Оқи отырыңыз

‡àãðóçêà...

Соңғы жаңалықтар