$ 474.72 € 515.17 ₽ 5.58
Оңтүстік Қазақстан облысының әкімі Бейбіт Атамқұлов Сайрам ауданы Ақсу ауылындағы ерлер костюмін тігетін республикадағы жалғыз «GOLDEN NOMAD» тігін фабрикасында болып, отандық тауарөндірушілерді қолдау мақсатында өзіне "Қазақстанда жасалған" маркасымен тігілген костюм сатып алды. Бұл жайында облыс әкімдігінің баспасөз қызметі хабарлап отыр.
Аталған кәсіпорын 2014 жылдың наурыз айында жұмысын бастаған. Фабрика жылына 26400 дана костюм, 52800 дана шалбар тігуге қауқарлы. 2015 жылдың ақпан айынан бастап кәсіпорын өндіріс орындары мен банк қызметкерлеріне арналған арнайы киімдер тігуді қолға алды. Бүгінгі таңда мұнда барлығы 108 адам жұмыс істейді. Осы жылдың қараша айынан бастап әйелдерге арналған киім тігетін цех ашу жоспарда бар.
Еске сала кетейік, елбасы да БҚО-на барған сапарында өзінің отандық өнімдерді пайдаланатынын және үстіндегі кастюмі мен аяқ киімінінің Қазақстанда жасалғанын айтқан болатын. Сондай-ақ, ол барлық қазақстандықтарды отандық өнімді пайдалануға шақырған еді
