Жаңалықтар   10.01.2019   сағат   05:23     441

Қызылордада өрт салдарынан үш бүлдіршін көз жұмды

Қызылордада жеке үйде шыққан өрттен газ иісіне уланған үш бала ауруханада ес жимастан қайтыс болды. Бұл туралы ҚР ТЖК ресми өкілі Нұрсұлтан Нұрахметов мәлімдеді деп жазады Tengrinews.kz.

Қызылордада өрт салдарынан үш бүлдіршін көз жұмды

Қызылордада «Наурыз» саяжай учаскесіндегі жеке үйде өрт шыққаны туралы хабар 9 қаңтарда 19:23-те жеткен.  Үйде жиһаздар өртеніп, жоғары қарай тараған. Өрт аумағы - 15 шаршы метр. Оқиға орнына келген өртсөндірушілер 50 литрлік газ балонын алып шығып, жарылыстың алдын алды. 

«Өртсөндірушілер келгенге дейін үйден 2011, 2012 және 2014 жылғы үш бала құтқарылған. Олар газ иісіне уланып, ауруханаға жеткізілді, алайда ес жимастан қайтыс болды», – деді Нұрахметов. 

Өрт 19:55-те сөндірілді. Балаларды құтқарған туыстары медициналық көмекке жүгініп, ауруханаға жатқызылды.  Өрт сөндіру жұмыстарына Қызылорда ТЖД-ның арнайы 7 техникасы мен жеке құрамның 19 адамы жұмылдырылды. 

Соңғы жаңалықтар