$ 448.56 € 478.03 ₽ 4.79
Батыс Қазақстан облысында екі жеңіл көлік соқтығысып, бір адам қаза тапты деп жазады ҚазАқпарат.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, оқиға бүгін Самара-Шымкент күре жолының 308-шақырымында болды.
«Оқиға орнына Теректі аудандық ауруханасының жедел жәрдем көлігі барды. 1978 жылғы ер адам сол жерде жан тапсырған. 1965 жылғы ер адамға медициналық көмек көрсетілді», - деді А.Сақпосынова.
БҚО полиция департаментінің баспасөз қызметі бұл оқиға бойынша ақпаратты кейін беретінін жеткізді.
Еске сала кетейік, бұдан бұрын БҚО-да жол апатынан екі адамның көз жұмғанын жазған болатынбыз.
