Астанадағы «Хайвилл Қазақстан» кеңсесі өртенді (ВИДЕО)

Астана қаласындағы «Хайвилл Қазақстан» кеңсе ғимаратындағы өрт толығымен сөндірілді, деп хабардайды ҚазАқпарат ҚР ІІМ Төтенше жағдайлар комитетіне сілтеме жасап.

Еске сала кетсек, 13 ақпанта кешкі сағат 21:11-де Астана қаласының өрт сөндіру қызметінің кезекші бөліміне Сарыарқа көшесінің бойындағы «Хайвилл Қазақстан» кеңсе ғимараты өртеніп жатқаны жөнінде хабар келіп түскен. Өртті сөндіруге Астана қалалық ТЖД-ның 65 қызметкері мен 16 көлігі жұмылдырылды.

Өрт сағат 22:45-де ауыздықталды. Жалын 1500 шаршы метр аумақты шарпыған.

Бастапқы мәлімет бойынша, өрттен ешкім зардап шекпеген.