$ 443.35 € 475.54 ₽ 4.82
Біріккен Араб Әмірлігінің билігі елдегі азаматтардың 100 миллион долларға жуық қарызын кешіру туралы шешім қабылдады. Бұл туралы Gulfnews порталы жазған.
Үкімет жанынан құрылған арнайы комиссия жекеменшік 13 банкпен келіссөз жүргізіп, оларды несиесін төлей алмай жүрген азаматтардың қарызын кешіруге көндіріпті. Кешірілген жалпы сома - 356 миллион дирхам немесе 98 миллион доллар. Осылайша үкімет 3 мыңдай азаматтың банк алдындағы несиесін жауып берді.
БАӘ билігі мұндай қадамға елдегі экономикалық-әлеуметтік тұрақтылықты нығайту үшін барғандарын айтып отыр.
