Жаңалықтар 14.03.2019 сағат 12:15  238

4 адам қаза тапты: Түркістан облысындағы жол апатынан тағы бірнешеуі зардап шекті

Түркістан облысы аумағында Шымкент - Самара тас жолында төрт адам қаза тапқан ауыр жол апатынан тағы екі бала мен екі әйел зардап шекті, деп хабарлайды ҚазАқпарат.

4 адам қаза тапты: Түркістан облысындағы жол апатынан тағы бірнешеуі зардап шекті
Бөлісу
Бөлісу
Бөлісу

Ауыр халде ауруханаға жеткізілген екі бүлдіршінге ота жасалып, жансақтау бөліміне жатқызылған, ал екі әйел  қалалық орталық ауруханада. 

Облыстық денсаулық сақтау басқармасының баспасөз хатшысы Мира Сүлейменованың айтуынша, бәрінің де жағдайы ауыр. 

«Жол-көлік апатынан Түркістан қалалық балалар ауруханасына екі бүлдіршін жеткізілді. Олар 4 жасар ұл және 2 жасар қыз бала. Екеуінің де жағдайы ауыр, жарақаттары да ауыр. Қыздың ашық бас ми жарақаты бар. Дәрігерлер екеуіне де ота жасап, қазір жансақтау бөліміне жатқызылды. Қалалық орталық ауруханаға жатқызылған 1952 жылғы және 1974 жылғы екі әйелдің бірі бас ми жарақатымен түссе, екіншісінің бұғанасы сынған. Бұлардың да жағдайы ауыр. 

Науқастар дәрігерлердің толық бақылауына алынды»,- дейді Мира Сүлейменова. 

Еске салайық, бүгін  Шымкент - Самара автожолының 115 шақырымында «Нексия»  жеңіл автокөлігі мен «Хендай старекс» минивэні соқтығысқан болатын. Салдарынан ауыр жарақат алған 2014 жылы туған екі бала мен  2004 жылы туған жасөспірім медициналық мекемеге барар жолда көз жұмды. Ал, «Нексия» көлігінің жүргізушісі ауруханада қайтыс болған еді. 

Оқи отырыңыз

‡àãðóçêà...

Соңғы жаңалықтар