Оралда оқушылар төбелесіп, жеткіншектің біреуі ауруханаға түсті деп хабарлайды БҚО Денсаулық сақтау басқармасының баспасөз қызметі.
Оқиға 19 наурызда болған.
«10-сынып оқушысының көзі жараланған. Ол төбелескендерді ажыратпақ болған. Оның көзіне ота жасалып, қазір палатаға ауыстырылды. Қазір болған оқиға бойынша тергеу жұмыстары жүргізілуде», - делінген хабарламада.
БҚО ПД баспасөз қызметінің мәліметінше, 11-сынып оқушысының сынып ішінде 10- сынып оқушысына дене жарақатын салған.
«Жеткіншек Орал қаласындағы облыстық ауруханаға жеткізілген. Қазір «Қасақана ауыр дене жарақатын салу» бабы бойынша іс қозғалуда», - дейді БҚО полиция департаментінің баспасөз қызметі.
Дереккөз: Мой город